KUNARIYA PANCHAYAT

 કુનરીયા તા. ૧૮ઃ બરોડા બેંક સંચાલિત ગ્રામીણ સ્વરોજગાર તાલીમ સંસ્થા દ્વારા ભુજ તાલુકાના કુનરીયા ગામમાં મિણબતી બનાવવાની  ૧૦ દિવસીય તાલીમનું આયોજન તાજેતરમાં કરવામાં આવ્યું હતું. આ ૧૦ દિવસીય તાલીમ દરમિયાન બહેનોએ વિવિધ રમતો, આત્મવિશ્વાસ વધારવો, સિદ્ધિ પ્રેરણા વગેરેની સમજ આપવામાં આવેલ હતી. બરોડા આરસેટી.ના ડાયરેક્ટર અજીત સર્મા તથા ભાવિન સેંગાણી DLM તથા હેન્ડીક્રાફટ DC ના એડિશનલ ડાયરેકટોર રવિવિર ચૌધરી દ્વારા બહેનોને માર્કેટ સર્વે તથા ઉદ્યોગ સાહસિક્તાના અનુભવોની સમજુતી આપી હતી. આ સંસ્થાનો મુખ્ય ઉદ્દેશ્ય લાભાર્થીઓ વિનામૂલ્યે તાલીમ મેળવીને સ્વરોજગાર મેળવી શકે તથા આર્થિક રીતે પગભર થાય તેનો છે. આ તાલીમને સફળ બનાવવા ડાયરેક્ટર અજીત સર્માના  માર્ગદર્શન હેઠળ આર.સેટી. સ્ટાફ તથા તાલીમના ફેકલ્ટી એ  જહેમત ઊઠાવી હતી.

કુનરીયા જુથ ગ્રામ પંચાયત અને આરોગ્ય વિભાગના સંયુક્ત પ્રયાસોથી કુનરીયા ની ૬૦ દીકરીઓનું H.B ટેસ્ટ કરવામાં આવ્યું. હિમોગ્લોબીન ટેસ્ટ સામાન્ય રીતે એનિમિયા ની તપાસ કરવા માટે  આવે છે. જે લોહીમાંના લાલ રક્તકણો ની અપૂર્ણતાને દર્શાવે છે અને જેને કારણે અન્ય તકલીફો થવી સંભવ છે. સમયાંતરે દીકરીઓમાં આવા ટેસ્ટ કરવાની પરંપરા કુનરીયા પંચાયતને કરી છે. તેથી સાવચેતી રાખી શકાય. ૬૦ દીકરીઓના વજન ઉંચાઇ અને  H.B ટેસ્ટ થયા. ANM મંજુલાબેન દ્વારા આ સંદર્ભ દીકરીઓને માર્ગદર્શન આપવામાં આવ્યું હતું. ઉપરાંત શું કાળજી રાખવી એની પણ વાત કરવામાં આવી હતી. ખાસ કરીને આયર્ન અને વિટામીન B સંબંધિત ગોળીઓ લેવા આગ્રહ કર્યો અન્ય પ્રોટીન વિટામિન અને માઈક્રો ન્યુટ્રીયન્ટ  કયા શાકભાજી અને ફળ માંથી મળે એ બાબતે સમજ આપવામાં આવી. બાલિકા પંચાયતના સરપંચ ભારતી ગરવા  અને આશા વર્કર રાજીબેન તેમજ શાંતાબેને વ્યવસ્થા સંભાળી હતી.