‘સરકાર આપના દ્વારે’ ની ઉક્તિ સાથે ભુજ તાલુકાના કુનરીયા ગામે સેવા સેતુ કાર્યક્રમ યોજાયો. આ પ્રસંગે ભુજ તાલુકાના ગ્રામ્ય મામલતદાર શ્રી વિવેક બારહાટ સાહેબની ઉપસ્થિતિમાં કાર્યક્રમ યોજાયો. જેમા ભીરંડિયારા PHC ના મેડિકલ ઓફિસર, સર્કલ ઓફિસર બળદિયાથી અરશી ભાઇ આહીર, સમાજ કલ્યાણ વિભાગ, સમાજ સુરક્ષા વિભાગ ,તાલુકા પંચાયત , ખેતીવાડી શાખા, પશુપાલન શાખામાંથી પ્રતિનિધિઓ હાજર રહ્યા હતા. શરૂઆતમાં દીપ પ્રાગટ્ય કરી ઉપસરપંચ સુરેશભાઈ છાંગા એ સૌને આવકાર્યા બાદ સ્વચ્છ ભારત મિશનનાં જયાબેન દવેએ ગોબરધનની માહિતી આપી ત્યારબાદ પ્રાસંગિક ઉદબોધનમાં મામલતદાર સાહેબ દ્વારા વિવિધ યોજનાઓના લાભ લેવા આહ્વાન કરાયું. ખાસ ઉત્કર્ષ યોજના હેઠળ તમામ લાભાર્થીઓ લાભ લે તે સુનિશ્ચિત કરવા આહવાહન કરાયું. વિધવા સહાય ,વયવંદના , દિવ્યાંગ પેન્શન વગેરે યોજનાનો લાભ લાભાર્થીને મળે એવું સૂચન કર્યું. એન્ટાઈટલમેન્ટના કામો આધાર કાર્ડ , રાશનકાર્ડ , ચૂંટણીકાર્ડ , આયુષ્યમાન કાર્ડ ની સેવાઓ ઘર બેઠા મળી રહે એ માટે સેવા સેતુની ઉપલબ્ધતા દર્શાવી બાદમાં સેવા સેતુ કાર્યક્રમ ખુલ્લો મુકાયો હતો જેમાં સવારે પશુઓનું રસીકરણ કરવામાં આવ્યું હતું. કોવિદ માટે બુસ્ટર ડોઝ આપવામાં આવ્યા. ૮ ગંગાસ્વરૂપા યોજના હેઠળ ફોર્મ ભરાયા ૨૮ રેશનકાર્ડ સુધારાના ફોર્મ ભરાયા ૩૫ આધારકાર્ડ અને ૨૨ ગોબરધનના લાભાર્થીઓના ફોર્મ ભરાયા ઉપરાંત ખેતીવાડી ને લગતી યોજનાના ૭૦ લાભાર્થીને વર્ક ઓર્ડર આપવામાં આવ્યા. સમગ્ર કાર્યક્રમનું સંચાલન ભારતીબેન ગરવાએ કર્યું હતું. ભુરાભાઈ આહિરે બધા નો આભાર માન્યો હતો. સેતુ અભિયાન, પ્રયાસ અને ICICI ફાઉન્ડેશનનો સહયોગ મળ્યો હતો.
Comments
Post a Comment